Eg vil gjerne introdusere dykk for Spiderman-skoa mine. Eigentleg heiter dei Vibram Five Fingers, men når eg spring med dei, føler eg meg som Spiderman.

Sålen i skoa er kjempemjuke og utruleg lette. Difor kjennest det ut som du går berrføtt med dei, som liksom er det store poenget med skorne.

I og med at det er fem tær på kvar av skoa, er dei avogtil heilt vanvittig vanskelege å få på seg.

Men det går seg som regel til etter å ha brukt dei nokre gonger..

Her bur eg, forresten! Omtrent iallefall. Langs fjellet til høgre går Rv 53 frå Årdalstangen til Øvre Årdal. Og på andre sida ligg Lindviki, dit eg gjekk i dag.

Og frå same ståstad kan du sjå opp på Tippen (byggefeltet). Går du den ruta eg så fint har teikna opp i Paint, kjem du opp til Middagshaugen. Og dit skal eg. I haust.

Såh – reddi får æksjen! VFF-skoa har eit heilt fantastisk grep på bakken, same om det er gras, stein eller sand – blautt eller turt.

Det aller deiligaste er kanskje når det er blautt. Og aller helst gjørme eller myr. Det er som om Moder Jord takkar deg for å ha teke ein pause frå Twitter, ved å gje deg ein magisk fotmassasje. Mmmm.

Etter å ha gått ei stund, følte eg eigentleg at eg hadde gått meg vill. På gjengrodde stiar, kan me sei. Bokstaveleg talt. Heilt til eg kom til denne steinen.

Og det viste seg at stien eg gjekk på har svært høg rasfare! Jaja. Eg gjekk iallefall heimatt når eg fann ut det da.

Det var litt vanskeleg å ta action-bilete av meg sjølv medan eg hoppa og sprang gjennom skogen, men eg lovar dykk det var fantastisk gøy. Nett som å vere Spiderman i norsk skog.

Og dersom du vurderer å kjøpe Five Fingers, er Brandos den einaste nettbutikken i Noreg som sel dei.